الرقم بايخ لاكن الصوت قتال

البارحه جاني من الحب مرسال

من عقب ما بيني وبينه خصيمه

وانا تراني في الحب مانيب فعال

ولا بعد ولع بقلبي هشيمه

ولا بعد غنيت في ساعة وصال

ولا بعد ذقت الفراق وجحيمه

ولا جرى دمعي على الخد همال

ولا بعد جربت مر الهزيمه

حتى وردني تالي الليل جوال

واناعلى شاهي وبسكوت ديمه

الرقم بايخ لاكن الصوت قتال

كنه مثل صوت المذيعه حليمه

قالت مساء الخيرياطيب الفال

قلت ارحبي ترحيبه مستديمه

بالعود والصفري ودلة وفنجال

واحبك يابنت الاصول الكريمه

ردة بضحكه ثم قالت وش الحال

قلت اشهد ان الحال عقبك سقيمه

قالت وهي تضحك بعدمثل الاطفال

وانا بعد كني بدونك يتيمه

من يوم قالتها تزلزلت زلزال

من فجعتي كني مسوي جريمه

قلت ارفعي صوتك تري مابه ارسال

كذاب لاكن المصيبه عظيمة

قالت اقول اسمع ترى هرجنا طال

ممكن تصاحبني تراني وسيمه

واسمي الحقيقي اول حروه الدال

لاكن يسموني البنات الزعيمة

صحيح احب الفخفخة واعشق المال

لاكن تراني طاهره مستقيمة

ماعندي امغازل ولا لعب يهال

ما عندي الا في الشرف والحشيمة

بس الصراحة قلبي لشوفتك مال

واصبحت وحدك جالس في صميمة

فكر بعقلك واترك القيل والقال

واحذر تطيع اهل العقول العقيمة

وارسل علي الحين خمسمائة ريال

اشحن بها جوال اختي غنيمه

او طقم غالي فيه خاتم وسلسال

اروح بها في عرس ولا في عزيمه

قلت الحقيقه ماني برجل اعمال

ولاني بتاجر والموارد عديمه

انا الصراحه شبه عطال بطال

وعلاقتي بلفقر جدا حميمة

والراتب الله يرحم الحال ما زال

محدود والمصروف ربي عليمة

والدين بالالاف والبنك شغال

ياكل فلوسي بالربا والظليمة

والسوق طايح والغلا ضيق الحال

والموت والله صاير اكبر غنيمة

قالت تحمل بس والحمل ينشال

خلك شديد الباس صلب العزيمة

ياخي تصرف جعلك اتصير نشال

اهم شي ان النوايا سليمة

لابد تفهمني على كل لحوال

ما دمت من اهل العقول الفهيمة

قلت ايه والله فاهم اللي على البال

لاكن تري هذي علينا قديمة

يابنت هذا صاير اليوم موااال

للي تبي تلعب على ابن الئيمة

يابنت ماتدرين كم فيه محتال

يلعب على الحبلين وانتي غشيمه

يابنت كم من جاهله دمعها سال

من عقب ما جات العواقب وخيمه

والبنت لا اقفى عرضها بيد لنذال

والله ما يبقى لها اي قيمة

قااالت تبي ولا فخلك على جاك

مهوب ناقصني نصايح حكيمه

عز الله انك للاسف منت رجاااال

وانك قليل الذوق مافيك شيمة

يا لعنبو اللي ما يسطرك بنعال

حتى يعلمك الغزل يابهيمة

$$ تفو $$عليك وصكت الخط في الحال

مدري$$ تفو $$ هي مدح ولاشتيمة

تحيااااااااااااااااااااااااااااااااااااااااااااااا ااااااااااتي

ابداااااااااااااااااااااااااااااااااااااااااااااااااااع والله

انت مبدع يا بحر الوفااااااااااااااااااا

ماشاء الله عليك صح السانك على هالكلمات

وانتظر منك اليديد

يسلمو اختي غزالة العين على المرور الرائع

كلماااااات جميلة

يسلمووو اخوي

مشكور وماقصرت

مشكور اخوي لجلا عيوني على المرور الرائع