سنافي بوظبي مشرف
عدد الرسائل : 242 العمر : 36 البلد : الامارات المزاج : كوووووول تاريخ التسجيل : 25/01/2008
| موضوع: مسجاااااااااااات طرررر الجمعة يناير 25, 2008 6:31 pm | |
| إن غاب عن عيني من الناس غالين ما أسأل و أقول (اللي يبيني يجيني)
إلا <أنت> بسأل عنك كل الناوين معقول أبنسى نور قلبي و عيني؟؟؟!!!
***
قالت بصيف بين لندن و مدريد.. و أنت حبيبي وين ناوي تصيف؟؟؟
قلت : اسمحيلي بالعذر و التنهايد،، الله يخلي لي غرفتي و المكيف...
***
طلعتي الشيب في راسي قبل حله،، أنا أصبغ الشيب و إنتي توك بنية...
يا ناس دربي عجزت أنا ادله،، هالبنت ماهي طبيعية <<خيالية>>
لا قلت لها : وش فيه عقلك صابته خله؟؟ قالت وهي تلتفت: (((كيفي مزاجية)))...!!!
***
يا صاحبي الحظ عيا لا يلتفت صوبي مدري أنا المنحوس وإلا دنيتي عوجة
الكون كله حط دوبه و دوبي كني الشاطر اللي يصد موجة ورى موجة
مانيب إليسا لا ولانيب روبي صرت أشبه الصحاف ويا علوجه
***
ماكل غالي بالرسايل نوفيه بعض الغلا في داخل القلب ذكراه
دايم لكل انسان ميزة تحليه وإنت بعيوني شي ما ألحق على أقصاه
***
امسح دموع الندم بأطراف منديلك عش ما بقى لك مثل ما عشت أنا مجروح
لا تعتذر لي ولا تتعب مراسيلك يكفيني اللي حصل ما إنت بمسموح
***
لا لبسك الهم ما قصده يخون ما ألومه كان هام و ذاب فيك
ما ألومه جاك ولهان محزون باع كل اللي وراه و مشتريك
قول ما في خاطرك همك حنون آهتك من شوقها لك تشتهيك
***
خل المشاعر ترتوي من بعضها و تعيش باقي عمرها في زواياك
النفس من بد المخاليق بدتك وإن راح عمري بالهوى من فداياك
هذي خيولي بالهوى ما تعدتك و هذي مرابط شوقنا من سراياك
***
قلبي قسمته يا هوى البال بنص نصه بجوفي و أنت بهديك نصه
ارفق عليه ولا تعنيه و أحرص دامه يخصك بصادق الحب خصه
لا غبت عني يبتدي الحال ينقص و أسهر ليالي و تبدأ لي مع الهم قصة
يا ليتني في لجنة التعليم مختص والله لا أحط لمنهج الحب حصة
***
سولفي خلي الحكي يملى المكان سولفي مشتاق أنا أجلس معك
أمطريني بالسوالف والحنان فضفضي لي منهو يقدر يمنعك؟
ذا شعور القلب لك مني ضمان و الله إن القلب يرفض يخدعك
***
خذ جوازي و تذكرتي والدفاتير و سلم عليهم وقلهم يفصلوني
ما عفت أنا الدراسة إهمال(ن) وتقصير لكن كحيل العين هيج شجوني
بس ،، بلغ الدكتور تحية وتقدير و على محاضرة الصبح لا تنطروني
***
سمعت صوتك مع ليلي يناديني و فزيت أدور على الصيحة و راعيها
يا غايب عن عيوني وينك و ويني؟ أشتقت لك شوق الديرة لأهاليها
لو غاب طيفك يا روحي من يسليني؟ والنفس مو كل مخلوق بيرضيها***
الخواطر سايحة و الشك زايل و من عرف مثلك عرف قيمة حبيبه
و الذهب و إن حاولوا ماله بدايل و المشاعر بالغلا ما هي خفية
و النوايا الصافية أصدق دلايل و يشهد الله معرفتك مثل الهدية
***
أفكر في أيام عمري وما حصلي هي رداة الحظ وإلا الخطا بإختياري
ينعصر قلبي ألم و يحترق كلي يحتري رجوع القمر و هو عنه ساري
قلت : ببعد أدور على غيره يسلي رافض القلب أجيب اليوم عنه طاري
من زود العذاب حافر قبري محلي أموت بأسبابه و تموت معي أسراري
أطلبوه يجي على جثماني يصلي و قدموا له وللدنيا خطاب إعتذاري
***
انتهت قصة الحب عندي انتهت بعلن نهاية الحب و يكفيني ملل
ياما أخلصت و ياما له وفيت وش نابني غير المشاكل و العلل
كل هذا يكفيني و منه اكتفيت بدور طربتي بين غزلان السهل
و بشرب غدير الطرب و لين ارتويت بقطف من البساتين ورد و فل
و بنسى الماضي و كني ما دريت مدامه يلعب،،وش فايدة الزعل
***
كنا اثنين نتحدى الزمن والناس وكل اللي يصادفنا
كنا اثنين نحب الحب حتى في سوالفنا
كنا اثنين *وما زلنا اثنين* نحب الحب حتى لو يعذبنا
كنا نقول *وما زلنا نقول* ((ما جابته أمه ذاك اللي بيفرقنا))
***
ياللي تعلمني على جدول الضرب عطني نتيجة ضرب واحد في واحد..!!
و قلي : وش اللي يجمع السلم والحرب؟؟ وش فـــايــدتـهــن . . . لا غدن شي واحد؟؟!!
و أعـــلـــمــــــك يا قبلة الشرق والغرب <"<"وش تعني هالدنيا إذا غاب واحد">">
***
الله عليك ليا تكلمت ما أحلاك نبرات صوتك تشعل الشوق فيني
ياما على صوتك تخيلت دنياك و يامل سرى بي هاجسي مع حنيني
معاك قلبي..فيك..لك..منك..وياك.. و توصلك روحي قبل روحك تجيني
***
سمعت باليتيم اللي قدام عينه تموت أمه؟؟ يــنـــــاظــر . . . ولا يقدر يبرر دمعة الشفقان
يصرخ : خذي روحي بس خليك يا يمه و تموت ،، و يعاني من الذكرى ألم و أحزان
كأن إحساسي إحساسه ،، وما همني همه هو القدر أخذ أمه .. وأنا ((فاقد أعز إنسان))
***
أمسك خيوط الليل و أقول وش عاد ينفع وجود الذات من غير ذاتي؟؟؟
و أعلن ضياعي و أترك النفس تنقاد يم السحاب و بالصحاري مباتي
و أركب سفينة فوق الأمواج نشاد ويـــــــــن الحبيب؟؟وويــــــن فاهم صفاتي
***
ما عاد يغريني قمر ليلة النصف عـــــادي طلع وإلا تحجبه سحابة
من يوم ما(راح) ما عاد شفت له وصف صارت معي كـــــــــــــــــل الليالي تشابه
مثل <البليد> اللي جلس بآخر الصف مــــــــــــــــــا شال هـــــم الأسئلة والإجابة!!!
***
ما دام ما تشتاق لي..يالله فراق لا صار قلبك ينشغل عن غرامي
ماهي غريبة الزعل بين عشاق بس الغريبة <<شلون قلبك نساني؟؟>>
وقــــــــف،،وقلي من قتل فيك الأشواق؟؟ و خلاك تنسى "حــــــــــــــــب" حطم كياني..!!!
***
ما هو بكيفي أعلن الحرب وياك لو قال عقلي ، ، قــام قلبي يصده
والله أحبك..صدق وشفيك؟؟وش جاك؟؟؟ +أبغي محبة+ بس من غير شــــــــــدة
ولا جاك غيري..لالالالالالالالا تحبه ليا جاك تكفى طلبتك>>>إلعن أبو جد جده<<<
***
إذا أتعبتك الجروح وضاقت بصدرك الروح وسدت الدنيا بوجهك كل طريق و روحك ما تحتمل
تــعـال و خــذ ""نصف روحي""
وإذا زادت عليك المواجع وحسيت إن الفرح لك موادع وإن الكدر لك رفيق | |
|
شـجـون الـقـلـب ادارة المنتدى
عدد الرسائل : 716 العمر : 39 البلد : الامارات تاريخ التسجيل : 21/01/2008
| موضوع: رد: مسجاااااااااااات طرررر الثلاثاء يناير 29, 2008 12:56 pm | |
| احلىىىىىىىىىى مسجات منك ياخوي سنافي بوظبي والله يعطيك العافيه ..........
وانا اخترت هذا المسج خل المشاعر ترتوي من بعضها و تعيش باقي عمرها في زواياك
النفس من بد المخاليق بدتك وإن راح عمري بالهوى من فداياك
هذي خيولي بالهوى ما تعدتك و هذي مرابط شوقنا من سراياك
تقبل مروري اخوك شجون بوظبي | |
|
عاشــ سنافي ــقة عضو مميز
عدد الرسائل : 835 العمر : 32 البلد : الإمارات المزاج : مشتاقة تاريخ التسجيل : 15/02/2008
| موضوع: رد: مسجاااااااااااات طرررر الأحد مارس 02, 2008 2:37 am | |
| لا لبسكــ الهمـ ما قصدهـ يخونـ مــا ألومهـ كانـ هامـ و ذابـ فيكـ مــا ألومهـ جاكـ ولهانـ محزونـ باعـ كلــ الليـ وراهـ و مشتريكـ قـولـ ما فيـ خاطركـ همكـ حنونـ آهتكـــــ منـ شوقها لكـ تشتهيكـ
تسلم يالغلا ع المسجات | |
|
لولي عضو مميز
عدد الرسائل : 524 العمر : 34 البلد : U.A.E تاريخ التسجيل : 17/02/2008
| موضوع: رد: مسجاااااااااااات طرررر الأربعاء مارس 05, 2008 2:27 am | |
| مشكوووور على المسجات الحلووة | |
|