وداعاًقلتها من خاطري الي بالحزن مكسـور |
وداعاًصغتهـا مـن دم قلبـي والشرايينـي |
وداعاًقلتها يا عم قاسـم لـك وانـا مجبـور |
وصدري منها اتألم ودمعـي تذرفـه عينـي |
وكلاًمن محبينك نطقها لـك وهـو مقهـور |
على فرقاك ذي بتطول اشهـوره ولسنينـي |
خرابه غام من دونك ولوهو بالفلل معمـور |
ولا كنت احسبـك ياعـم باترحـل وتلقينـي |
تحت كنفك تعديت المصاعب كلهـا مغـرور |
بعـون الله تنصرنـي وبفكـارك تقويـنـي |
وحققت اكثر احلامي وباقي حلم مارى النور |
وبعدافراقكم بحذف قواميسـه مـن الحينـي |
ترى صقرالنوايب في غيابك يشبه العصفور |
وذاك الفارس المقدام سار اليـوم مسكينـي |
ابو مهدي تمنيت ان لي في عودتك مقـدور |
لتنظرحالتي بعدك وفـي حزنـي تواسينـي |
ولكن ذه ارادة ربنا والحكـم لـه والشـور |
اناساله لك الرحمه ودرب الصبـر يهدينـي |
وساله يدخلك جنات عدن ويكرمك بالحـور |
ويجعل حفرتك روضـه مليئـه بالرياحينـي |
وانالك وعد مني لحفظ الملموس والمنظـور |
وماصغته لنا يبقى هنا شامـخ مـدى البينـي |
ونفذماوعدتك واحفظ الكلمـة والـم الشـور |
وعد والعهدلـك ماهومقـال ونشـر تأبينـي |
ويشهد منتدى شجون بوظبي وكل اعضاه والجمهور |
لانه بيتي الثانـي وهـم منـي وهـم فينـي |
واخيراًكل من عزأ ومن واسا فهو مشكـور |
وبعذر كل من حـاول ولا اتمكـن يعزينـي |
صدر ذا واطلب التحكيم يعذرني عن التقصير |
وكل الي مشاركنا عـن التقصيـر يعفينـي |