عشق بـدوي لا حـب ماهـوب كـذاب

نويت مرباع الغضـي سيـد الاحبـاب

قصـدي يـزول الـجـرح زاد التهـابـه

جيـت وبقايـا نارهـم حـول الاطـنـاب

بيـت الشعـر مطـوي وباقـي زهـابـه

على غزيـر الدمـع ضميـت الاهـداب

صبيـت ليـن الـدمـع يكـفـي سحـابـه

بعض الوجاع يمكن تداويه الاعشاب

بعض الاوجاع يا ويل منهو سطا بـه

عشق بـدوي لا حـب ماهـوب كـذاب

يوفـي ولــو جـرحـه تـجـدد صـوابـه

واليـوم وصلـت بيننـا مثـل الاجنـاب

ذاك الـغـلا يــا ضيعـتـه يــا سـفـابـه

باكـر اذا جينـا لـهـم مـثـل الاغــراب

مـن بعـد مــا كـنـا الاهــل والقـرابـه

الامــر لله كــل شـــي لـــه اسـبــاب

والا الهوى وش لـي علـى دق بابـه

وشلون قلبي ما يجي اليـوم منصـاب

علـى الرجـم منقـوش بعـض الكتابـه

حتى اثر مشيه مع سهـول وهضـاب

مـره يبيـن ومــره مــا يـنـدرى بــه

قلبـي مـن الفرقـا صويـب ومـرتـاب

كنـه غـدى نصفيـن منهـو ل مـا بـه

حزنـي عليـه انـه تسـبـب ولا طــاب

نـظـره طبيـبـه عجـلـت فــي ذهـابـه

ريح الخزامى والنفـل زيـن الاطيـاب

يشـدنـي ريــح السـمـر فــي ثـيـابـه

لا اقبل نسيم الليـل لـه خيـل وركـاب

وله في طلوع الشمـس عـز ومهابـه

مرحباااااااااااااااااا ملياااااااااااااااااااااااار

الحمد لله على السلامه وين الغيبه

مشكور على القصيده الروعه

وسيتم نقلها الى قسم الشعر

ونرجو منك وضع المشاركات في القسم الخصص لهاا

مشكور اخوي شجون القلب على المرور الرائع والعفو منك على التعب